Maths dilchasp hein - गणित दिलचस्प हे

Haa yeh sach hein. Jaan ne ke liye iss article koh end tak padhey.

Mein jaanta hu ki aap mein se jiske liye bhi maths ek burey sapne ki tarah hein woh mujh par hass rahe honge ya fir mera mazaak udayenge.

Aur agar mera andaaza galat nahi hein toh aapka reaction kuch aisa hoga.

Pehle toh:

Kya baat kar rahe ho?????!!!!!!!

Fir:

Tu rehne de bhai.......:P

Aisa mein isiliye keh raha hu kyu ki mein yeh dekh chuka hu. Jab bhi mein mere friends, rishtedaar, etc, se kehta ki "Maths dilchasp hein" toh mujhe yahi reaction milta.

Waise maths ko samajhne ki agar baat ki jaye toh insaano ko 2 types mein divide kar sakte hein. 

Toh pehle type ke hein,

1. 'Maths dilchasp hein' type:

•  Yeh wahi log hein jinke liye maths aasaan aur dilchasp hein.

• Waise iss prajaati ke log bahut kam paaye jaate hein.

• Abhi tak koi yeh nahi samajh paya hein ki, jab bhi inko koi maths ka prashn (question) diya jaata hein suljhaane ke liye toh itna mann laga kar lag jaate hein jaise ki apni girl friend ko romance kar rahe ho, fir chahe kitna bhi time lag jaye. Magar jab woh uss prashn ko suljha dete hein toh aise feel karte hein jaise ki duniya jeet li ho. Unka josh toh dekhiye...

Teacher aur prashn aane dijiye........

tabhi baaki sab ka reaction......

Tumhara dimaag toh kharaab nahi hein?

• Jab bhi teacher kisi prashn ko suljhaane ke liye kuch maan ne ke liye bol deti hein. Toh pata nahi yeh log kaise samajh jaate hein ki kya maan na hein aur kab maan na hein.  

Example:

Ek question ko suljhaate waqt:

Teacher: Maan lo ki maine tumhe Rs. 10,000/- diye. 

Yeh wale bacche: Ha maan liya.

Baaki ke bacche: Abey yeh kya baat hui, diye hi nahi toh kaise maan le. 

• Gor se dekhiye inn baccho ko, yeh wahi bacche hein joh bina tayyari ke ya thoda bahut padh ke bhi 1st aa jaate hein.

Doosre type ke,

2. Yeh log kaise kar lete hein??!! types:

• Yeh wahi log hein jinko lagta hein ki maths bilkul bhi aasaan nahi hein aur iss wajah se unka maths mein mann bhi nahi lagta. Inn mein kuch aise bhi hein jinka maths mein mann toh lagta hein magar bahut mushkil se samajh mein aata hein.

 

• Yeh wahi bacche hein joh pehle type ke baccho ko apna dost banana pasand karte hein, taaki maths mein help mil sake khaaskar ke exam hall mein. 

• Yeh bahut hi bhaari maatra mein paaye jaate hein. Jaise ki ek classroom mein jaha 50 bacche hote hein, 4-5 ko chod kar baaki sab yahi hote hein.

• End mein, mein yahi kehna chahunga ki koi bhi insaan pehle type ka bann sakta hein, bas maths ko aur behtarr tareeke se samajhne ki zarurat hein. Behtarr tareeke se mera matlab "fun type" jo ki woh hein, naaki boring kitaabo ke nazariye se.

Iss article mein yeh kehkar end karna chahunga ki, maths aasaan bhi hein aur dilchasp bhi hein, bas usko behtar tareeke se samajhne ki aur ek maths ko behtar samjhaane waley ki zarurat hein.

Mein aur article post karunga maths ke baare mein aur maths kaise dilchasp ho sakta hein iss baare mein bhi apne next posts mein 

Poora article padhne ke liye Thanks.

Harish Gehlot
Math Lover